திராவிட அரசுகள் தேவேந்திர மக்களுக்கு தந்த வலிகள் ...

Latest Post

10 மாதத்தில் தூத்துக்குடியிலும் நெல்லையிலும் நடந்த படுகொலைகள் நூற்றுக்கும் மேல்!

Written By DevendraKural on Saturday, 21 March 2015 | 06:31

''தூத்துக்குடி, நெல்லை மாவட்டங்களைச் சேர்ந்த உயர் போலீஸ் அதிகாரிகளை திடீரென மாற்றியிருக்கிறார்களே? என்னவாம்?'
''கடந்த சில மாதங்களில் தூத்துக்குடியிலும் நெல்லையிலும் நடந்த படுகொலைகள் நூற்றுக்கும் மேல்! ஸ்ரீவைகுண்டத்தில் புதிய தமிழகம் கட்சி நிர்வாகி பாஸ்கர் கொலை விவகாரம் மக்கள் மத்தியில் பெரும் பீதியை உண்டாக்கிவிட்டது. இரண்டு மாவட்டங்களைச் சேர்ந்த முக்கிய வி.ஐ.பி-கள் யாரும் மாலை, இரவு நேரங்களில் வெளியே வரவே பயந்து கிடந்தனர். பாணங்குளத்தில் ஹோட்டல் உரிமையாளர், வள்ளியூரில் கல்லூரி மாணவர், தச்சநல்லூரில் ஆட்டோ டிரைவர் ஆகியோர் கொலை செய்யப்பட்டதன் பின்னணியைப் பார்த்தால் அவர்களுக்கும் கொலையாளிகளுக்கும் எந்த மோட்டிவும் இல்லை. ஏரியாவில் தங்களைப் பற்றிய பீதி மக்களிடத்தில் இருக்கவேண்டும் என்பதற்காகவே சர்வசாதரணமாய் இந்த அப்பாவிகளைக் கொடூரமான முறையில் கொன்று போட்டுப்போனது தெரியவந்ததாம்!'
''போலீஸ் மீது பயம் போய்விட்டது என்று சொல்லும்!'
''நெல்லை, தூத்துக்குடி உள்ளிட்ட மாவட்டங்களின் டி.ஐ.ஜி பதவி மற்றும் நெல்லை மாநகர கமிஷனர் பதவி இரண்டையும் சேர்த்து கவனித்து வந்தவர் ஸ்மித் சரண். இந்த மாவட்டங்களில்தான் கொலை சம்பவங்கள் அதிகம் நடந்துகொண்டிருந்தன. ஸ்மித் சரண் பொதுவாக அதிகம் வெளியே தலைகாட்டமாட்டார். இருந்த இடத்தில் இருந்தே கீழ்மட்ட அதிகாரிகள் சொல்வதைக் கேட்டுவந்தார் என்று கூறப்படுகிறது. நெல்லை எஸ்.பியாக இருந்த நரேந்திரன் நாயர், கீழ் மாவட்ட அதிகாரிகளிடம் சரிவர வேலை வாங்கத்தெரியவில்லை என்கிறார்கள். தூத்துக்குடி எஸ்.பி துரை... முக்கியமான பிரச்னைகளில் சரிவர செயல்படவில்லை என்று புகார். இந்த மூவரைப்பற்றி சமீபத்தில் நெல்லைக்கு விசிட் வந்த தமிழக சட்டம் ஒழுங்குப் பிரிவு கூடுதல் டி.ஜி.பியான ராஜேந்திரனிடம் பத்திரிகையாளர்களே சொல்லி ஆதங்கப்பட்டனர். விரைவில் எல்லாம் சரியாகும் என்று சொல்லிவிட்டு வந்தாராம். அதன் பிறகுதான் அவர்களுக்கு டிரான்ஸ்ஃபர்.!''
''உயர் அதிகாரிகளை மட்டும் மாற்றினால், நிலைமை சரியாகிவிடுமா?'

''உளவுத் துறை ஐ.ஜியான கண்ணப்பன், நெல்லை சரகத்தில் அதிக காலம் பணியில் இருந்தவர். அங்கே நிலவும் பல்ஸ் நன்றாகவே தெரியும். போலீஸ் துறையின் கீழ்மட்டத்தில் இருக்கும் சிலர் சாதி ரீதியாக ஆர்வம் காட்டுவதும்கூட வன்முறைச் சம்பவங்கள் நடக்க ஒரு காரணம். உதாரணத்துக்கு, சமூக ஆர்வலரான ஒரு வக்கீல் வன்முறைச் சம்பவத்தை மேற்கோள்காட்டி, 'அந்த தாதாவின் கையை ஒடிச்சுப்போடுங்க’ என்று சொன்னாராம். அடுத்த சில நாட்களில் அந்த வக்கீலின் நண்பரை சந்தித்த தாதா, 'என் மீது ஏன் இப்படி அவர் கோபத்தை காட்டுகிறார். அவருக்கு நான் என்ன துரோகம் பண்ணினேன்’ என்று அன்பாக எச்சரிக்கை விடுத்தாராம். இதைக் கேட்ட வக்கீல் ஆடிப்போய்விட்டாராம். போலீஸுக்கும் தாதாவுக்கும் எந்த அளவுக்கு நெட்வொர்க் சரியாக இயங்குகிறது என்கிற தகவல் கண்ணப்பனுக்கு உடனே போனதாம். இதையடுத்து, சாதிப் பாசத்துடன் பழகும்  கீழ்மட்ட போலீஸ் அதிகாரிகளின் பெயர் விவரங்கள் சேகரிக்கப்பட்டு வருகின்றன. கூடிய விரைவில் தென் மாவட்டங்களில் பெரிய அளவில் மாற்றம் இருக்கும் என டி.ஜி.பி ஆபீஸ் வட்டாரத்தில் பேச்சு!'

தாழ்த்தப்பட்டவர்களுக்கு எதிரான வன்கொடுமைகள் அதிகரிப்பு: திருமாவளவன்


சென்னை: தமிழகம் முழுவதும் தாழ்த்தப்பட்ட மக்களுக்கு எதிரான வன்கொடுமைகள் அதிகரித்து வருகின்றன என்று விடுதலை சிறுத்தைகள் கட்சி தலைவர் தொல்.திருமாவளவன் கூறி உள்ளார்.

இதுகுறித்து அவர் கூறும்போது, ''கிருஷ்ணகிரி மாவட்டம் கருவானூர் கிராமத்தில் ஊர் திருவிழாவின்போது கோயிலுக்கு சென்றதற்காக அரவிந்தன் என்ற குறவர் சமூகத்தைச் சேர்ந்த இளைஞரை ஆதிக்கச் சாதிக் கும்பல் ஒன்று அடித்துத் துன்புறுத்தியதோடு, அடிதாங்க முடியாமல் குடிக்கத் தண்ணீர் கேட்ட இளைஞரின் வாயில் சிறுநீர் கழித்திருக்கிறார்கள். இந்த வழக்கில் உள்ளூர் காவல்துறை ஒருதலைப்பட்சமாகச் செயல்படுவதால் வழக்கை சி.பி.சி.ஐ.டி. விசாரணைக்கு மாற்ற வேண்டும் என விடுதலைச் சிறுத்தைகள் கட்சி சார்பில் தமிழக அரசை வலியுறுத்துகிறோம்.

இந்த சம்பவம் நடந்து மூன்று வாரங்கள் ஆனபோதிலும், குற்றவாளிகள் கைது செய்யப்படவில்லை. வன்கொடுமைத் தடுப்புச் சட்டத்தின் கீழான இதை விசாரிக்க வேண்டிய ஊத்தங்கரை டி.எஸ்.பி., பாதிக்கப்பட்ட இளைஞரை சந்திக்கக்கூட இல்லை. அதுமட்டுமின்றி, சிறுநீர் கழித்ததாகச் சொல்லப்படுவது உண்மை இல்லை என அவர் பத்திரிகைகளுக்குப் பேட்டி கொடுத்திருக்கிறார். இதிலிருந்தே அவர் இந்த வழக்கில் குற்றவாளிகளைப் பாதுகாக்க முயற்சிக்கிறார் என்பது வெளிப்படையாகத் தெரிய வருகிறது.

தற்போது, ஊடகங்களின் மூலம் இந்த கொடூர சம்பவம் வெளி உலகுக்குத் தெரிய வந்த நிலையில், பாதிக்கப்பட்ட இளைஞர் மீதே பொய் வழக்கு ஒன்றை போலீஸ் பதிவு செய்திருக்கிறது. இந்தச் சூழலில் இந்த வழக்கை உள்ளூர் காவல்துறை விசாரித்தால் பாதிக்கப்பட்டவர்களுக்கு நீதி கிடைக்காது. அதனால், சி.பி.சி.ஐ.டி. விசாரணைக்கு மாற்றி உத்தரவிட வேண்டும் என விடுதலைச் சிறுத்தைகள் கட்சி கேட்டுக்கொள்கிறது.

அண்மைக்காலமாக தமிழகம் முழுவதும் தாழ்த்தப்பட்ட மக்களுக்கு எதிரான வன்கொடுமைகள் அதிகரித்து வருகின்றன. தமிழகக் காவல்துறை சாதி வெறியர்கள் மீது சட்டப்பூர்வமான நடவடிக்கைகளை எடுக்காததன் விளைவே இது. வன்கொடுமைகளைக் கட்டுப்படுத்த நடவடிக்கை எடுக்க வேண்டுமென பலமுறை விடுதலைச் சிறுத்தைகள் சார்பில் வலியுறுத்தியிருக்கிறோம். ஆனாலும், தமிழக அரசு இதில் மெத்தனமாகவே இருக்கிறது.

தற்போது கிருஷ்ணகிரி மாவட்டத்தில் நடந்திருக்கும் இந்த மனிதத் தன்மையற்ற சம்பவத்துக்காக தமிழ்நாட்டில் உள்ள ஓவ்வொருவரும் வெட்கித் தலைகுனிய வேண்டும். இதனால், இந்திய அளவில் தமிழ்நாட்டுக்கு மிகப்பெரிய அவமானம் ஏற்பட்டிருக்கிறது என்பதை தமிழக அரசு உணரவேண்டும். இனியும், குற்றவாளிகளைக் காப்பாற்ற முற்படாமல் பாதிக்கப்பட்டவர்களுக்கு உரிய நீதி கிடைத்திட இந்த வழக்கை சி.பி.சி.ஐ.டி. விசாரணைக்கு மாற்றி நடவடிக்கை எடுக்க வேண்டும்" என்று வலியுறுத்தி உள்ளார்.

மேகதாது அணைக்கு எதிர்ப்பு: தமிழகம் முழுவதும் 28ல் முழு அடைப்பு!

சென்னை: காவிரியில் கர்நாடகம் அணை கட்டுவதை தடுக்க வலியுறுத்தி தமிழகம் முழுவதும் 28ஆம் தேதி முழு அடைப்பு போராட்டம் நடத்த அனைத்துக் கட்சி கூட்டத்தில் முடிவு செய்யப்பட்டுள்ளது.

கர்நாடக அரசு காவிரியின் குறுக்கே மேகதாது உள்பட 3 இடங்களில் அணைகள் கட்ட முடிவு செய்துள்ளது. இதை தடுக்கவும், காவிரி மேலாண்மை வாரியம் அமைக்கவும், காவிரி நதிநீர் பங்கீட்டு குழு அமைக்கவும் வலியுறுத்தி தமிழ்நாடு விவசாயிகள் சங்கம் சார்பில் அனைத்துக் கட்சி கூட்டம் சென்னை, ராயப்பேட்டையில் நடைபெற்றது.
இதில், தி.மு.க. சார்பில் டி.கே.எஸ்.இளங்கோவன், காங்கிரஸ் சார்பில் பலராமன், பா.ம.க. சார்பில் வேலு, ஜெயராமன், த.மா.கா. சார்பில் ஞானதேசிகன், விடுதலை சிறுத்தைகள் கட்சித் தலைவர் திருமாவளவன், பா.ஜ.க. தமிழக தலைவர் தமிழிசை சவுந்திரராஜன், ம.தி.மு.க.வைச் சேர்ந்த மல்லை சத்யா, சமத்துவ மக்கள் கட்சி சார்பில் எர்ணாவூர் நாராயணன் எம்.எல்.ஏ., தே.மு.தி.க. எம்.எல்.ஏ. பால அருள்செல்வன், மனித நேய மக்கள் கட்சி ஜவாஹிருல்லா, மூவேந்தர் முன்னணி கழகம் சார்பில் டாக்டர் சேதுராமன், தி.க. சார்பில் கலிபூங்குன்றன் உள்பட பல்வேறு அரசியல் கட்சியினரும், தமிழ் அமைப்பினரும் கலந்து கொண்டனர்.

இந்த கூட்டத்தில், மீத்தேன் திட்டத்தை எதிர்த்து அனைத்து கட்சிகளும் ஒன்றுபட்டு நின்றதால் வெற்றி பெற்றோம். அதேபோல் காவிரியில், கர்நாடகம் தடுப்பணைகள் கட்டுவதை தடுக்கவும், அனைத்து  கட்சிகளும் ஒன்றுபட்டு நின்றால் நிச்சயம் வெற்றி பெற முடியும் என அனைத்து கட்சியினரும் கருத்து தெரிவித்தனர்.

மேலும், மேகதாது அணை விவகாரம் தொடர்பாக கர்நாடக அரசுக்கு எதிர்ப்பு தெரிவித்து தமிழகம் முழுவதும் வரும் 28 ஆம் தேதி முழு அடைப்பு போராட்டம் நடத்தவும் முடிவு செய்யப்பட்டது.
இது தொடர்பாக நிறைவேற்றப்பட்ட தீர்மானத்தில், " மத்திய அரசு கர்நாடக அரசின் அணை கட்டுமானப்பணியினை தடுத்து நிறுத்தி நடுவர் மன்ற இறுதி தீர்ப்பின் அடிப்படையில் காவிரி மேலாண்மை வாரியம், காவிரி நீர் பங்கீட்டு ஒழுங்காற்றுக்குழு ஆகிய இரண்டு தன்னாட்சி அதிகாரம் கொண்ட அமைப்புகளை உடன் உருவாக்கி தமிழகத்தின் விவசாயத்தையும் குடிநீர் ஆதாரத்தையும் உறுதிபடுத்தி காவிரி நீரை பயன்படுத்தும் சுமார் 5 கோடி மக்களின் வாழ்வாதாரத்தை பாதுகாக்க மத்திய அரசின் சார்பில் பிரதமர் அவசரகால நடவடிக்கை எடுத்திட இக்கூட்டம் வலியுறுத்துகிறது.
மேற்கண்ட கோரிக்கையை வலியுறுத்தி கர்நாடக அரசின் சட்ட விரோத நடவடிக்கைகளை கண்டித்தும் எதிர்வரும் 28.03.2015 சனிக்கிழமை அன்று தமிழகம் முழுவதும் முழு அடைப்பு போராட்டம் நடத்துவது என்றும், அனைத்து கட்சிக்கூட்டத்தின் இந்த முடிவுக்கு தமிழக அரசும், தமிழகத்தில் உள்ள அனைத்து அரசியல் கட்சிகள், வர்த்தகர்கள், பஸ் மற்றும் லாரி உரிமையாளர்கள், தொழிலாளர்கள், பொதுமக்கள் ஆதரவளிக்கவேண்டும் என்று இக்கூட்டம் வலியுறுத்துகிறது.
மேலும், தமிழகத்தில் உள்ள அனைத்து அரசியல் கட்சி தலைவர்களும் ஒருங்கிணைந்து பாரத பிரதமர் அவர்களை நேரில் சந்தித்து வலியுறுத்துவது" எனக் கூறப்பட்டுள்ளது.

தென்மாவட்ட கலவரங்கள் பின்னணி....

தென்மாவட்டங்களில் தொடரும் சாதிக் கலவரங்களுக்குக் காரணம் தொழிற்சாலைகளும் வேலைவாய்ப்பும் இல்லாதது தான் என்று தமிழக அரசு அமைத்த பல்வேறு விசாரணைக் கமிஷன்கள் அரசிடம் அறிக்கை கொடுத்திருக்கின்றன. ஆனால், அதைக் களைய இதுவரையில் முழுமையான நடவடிக்கை எடுக்கப்படவில்லை என்பது கசப்பான உண்மை. 

நீதிபதி கோமதிநாயகம் கமிஷன் 


இதுவரையில், தமிழகத்தில் எத்தனையோ விசாரணை கமிஷன்கள் அமைக்கப்பட்டு விட்டன. இந்த கமிஷன்கள் எல்லாம் "சாதிக்கலவரங்கள் எப்படி நடந்தது? எவ்வளவு பேர் பாதிக்கப்பட்டார்கள்? யார் யாருக்கு நிவாரணம் வழங்க வேண்டும்" என்பதை மட்டும் ஆய்வு செய்து அறிக்கை சமர்ப்பிக்கவில்லை. "இனிமேல் நடக்காமல் இருக்க என்ன செய்ய வேண்டும்?" என்பதையும் சொன்னது. உதாரணமாக, 1995ஆம் ஆண்டு ஜூலை, - ஓகஸ்ட், செப்ரெம்பர் மாதங்களில் தென் மாவட்டங்களில் நிகழ்ந்த தொடர் சாதிக்கலவரங்கள் தொடர்பாக நீதிபதி பி.கோமதிநாயகம் தலைமையில் ஒருநபர் விசாரணைக் கமிஷன் நியமிக்கப்பட்டது. அவரது ஆய்வறிக்கையில், "நாம் சாதியை பின்பற்றுகிற வரையிலும், சாதி உணர்வுகளை ஊட்டித் தொடர்ந்து வளர்த்துக் கொண்டிருக்கும் வரையிலும் இத்தகைய கலவரங்களைத் தடுக்கவே இயலாது" என்று சொன்னதுடன், "பொது இடங்களில் சிலைகள் அமைப்பதை முற்றிலுமாக தடை செய்ய வேண்டும். தேவை ஏற்பட்டால் அதனை தடை செய்வது குறித்து சட்டம் இயற்றலாம். தற்போது பொது இடங்களில் வைக்கப்பட்டுள்ள அனைத்து சிலைகளையும் அகற்றி அருங்காட்சியகம், கோவில் போன்ற இடங்களில் வைக்கலாம்" என்றும் கூறியிருந்தார். ஆனால், அவருடைய முக்கியமான பரிந்துரை இதுவரையில் நிறைவேற்றப்படவில்லை. நெல்லை, தூத்துக்குடி மாவட்டங்களில் சாதித் தலைவர்களின் சிலையைச் சுற்றி கூண்டு அமைத்தார்கள். விருதுநகர் மாவட்டம் குன்னூர் கிராமத்தில் காந்தி சிலையே கூண்டுக்குள் அடைக்கப்பட்டது. ஆனால், மதுரை மாவட்டத்தில் இப்போதும் கூட சாதித்தலைவர்களின் சிலைகள் வெட்டவெளியில் பாதுகாப்பின்றி இருக்கின்றன. அதனால், மாதம் ஒருமுறை சாதித்தலைவர்களின் சிலைகள் அவமதிக்கப்படுவதும், பழிக்குப் பழியாக மாற்று சாதித்தலைவரின் சிலை உடைக்கப்படுவதும் இங்கே சகஜமாகிவிட்டது. 

நீதிபதி மோகன் கமிஷன் 

1997ஆம் ஆண்டு ஓய்வுபெற்ற உச்சநீதிமன்ற நீதிபதி எஸ்.மோகன் தலைமையில் அமைக்கப்பட்ட 3 நபர்களைக் கொண்ட உயர்மட்டக் குழு, தென்மாவட்ட சாதிக்கலவரங்களைத் தடுப்பதற்கான வழிமுறைகளை அரசிடம் சமர்ப்பித்தது. "சேது சமுத்திரத் திட்டத்தை நிறைவேற்ற வேண்டும், கிழக்கு கடற்கரைச் சாலைத் திட்டத்தை நிறைவேற்ற வேண்டும், மேற்குத் தொடர்ச்சி மலையில் உற்பத்தியாகி மேற்கு நோக்கி ஓடும் ஆறுகளின் உபரிநீரை, கிழக்கு நோக்கித் திருப்ப வேண்டும். பம்பை ஆற்றை வைகை ஆற்றுடன் இணைக்க வேண்டும். தென்மாவட்டங்களில் சுற்றுலாவை மேம்படுத்த வேண்டும். தொழிற்சாலைகளை அதிகரிக்க வேண்டும். அழகர் அணை, ஆவடி அணை போன்ற திட்டங்களை நிறைவேற்ற வேண்டும்" என்று நீளமான பட்டியலை அரசிடம் ஒப்படைத்தது. ஆனால், இந்தப் பட்டியலில் கிழக்குக் கடற்கரைச் சாலைத் திட்டத்தைத் தவிர எதுவுமே நிறைவேற்றப்படவில்லை என்பது அனைவருக்கும் தெரியும். ஆக, சாதிக் கலவரங்களுக்கான அடிப்படைக் காரணமான வேலைவாய்ப்பு இன்மையும், வறுமையும் தென்மாவட்டங்களில் இன்னமும் களையப்படாமலேயே இருக்கிறது. 

நீதிபதி சம்பத் கமிஷன் 


கடந்த 2011ஆம் ஆண்டு பரமக்குடியில் நடந்த கலவரம் மற்றும் துப்பாக்கிச் சூடு தொடர்பாக விசாரித்து அறிக்கை தாக்கல் செய்வதற்காக தமிழக அரசு ஓய்வுபெற்ற நீதிபதி சம்பத் தலைமையிலான விசாரணைக் கமிஷனை அமைத்தது. இந்தக் கமிஷன் அறிக்கை கடந்த 30ஆம் திகதி சட்டப்பேரவையில் தாக்கல் செய்யப்பட்டது. வழக்கம் போல கலவரம் எப்படி ஏற்பட்டது? போலீஸார் துப்பாக்கிச் சூடு நடத்தும் சூழ்நிலை எவ்வாறு உருவானது? என்பதை விளக்கிய அந்த ஆய்வறிக்கையில், 60 ஆண்டுகளாக வளர்ச்சியடையாமல் இருக்கும் ராமநாதபுரம் மாவட்டத்தின் நிலையைப் பற்றியும் விளக்கியிருந்தார் நீதிபதி சம்பத். "60 ஆண்டுகளில் ராமநாதபுரம் மாவட்டத்தின் வளர்ச்சி குறிப்பிட்டுச் சொல்லும்படி இல்லை. மாவட்டத்தில் தொழிலகங்களை ஏற்படுத்தி இருந்தால், அங்கு வசிக்கும் மக்களின் மனோநிலையிலும், அடிப்படைக் குணாதிசயங்களிலும் மாற்றம் ஏற்பட்டிருக்கும். பொருளாதார ரீதியாக வளமாக உள்ள பகுதியில், சமூக அல்லது மத ரீதியிலான வன்முறைகள் பெருமளவு நடைபெறுவதில்லை. அதை மீறி பதற்றமான சூழ்நிலை உருவானாலும் கூட, அது நெடுநாள் நீடிக்கவிடாமல் தற்காத்துக் கொள்ளும்" என்று கூறியிருந்தார். 

இந்த விசாரணைக் கமிஷன் அறிக்கையின் பெரும்பகுதி சர்ச்சைக்கு உள்ளாகி இருக்கிறது என்றாலும் கூட, மேலே கூறிய கருத்துக்களை அனைத்துத் தரப்பினரும் ஏற்றுக் கொள்கிறார்கள். பொதுவாக ஓய்வுபெற்ற நீதிபதிகள் தலைமையில் அமைக்கப்படும் விசாரணைக் கமிஷன்கள் ஆளும்கட்சிக்கு ஆதரவாகத் தான் இருக்கும் என்பது பொதுவான குற்றச்சாட்டு. ஆனாலும் கூட, அந்தக் கமிஷன் அறிக்கையை சம்பந்தப்பட்ட ஆளும் கட்சிகள் முழுமையாக நிறைவேற்றுவது இல்லை என்பது கடந்த கால வரலாறு. இன்றைய தமிழக அரசாவது, நீதிபதி சம்பத் கமிஷன் கூறியுள்ள கருத்தை ஏற்று, ராமநாதபுரம் மாவட்டத்தின் புதிய தொழிற்சாலைகளை ஏற்படுத்தி, பொருளாதார ரீதியாக மக்களை மேம்படுத்த முன்வர வேண்டும் என்பது பொதுமக்களின் எதிர்பார்ப்பு. அதேபோல, முந்தைய கமிஷன்கள் சொன்ன வளர்ச்சித்திட்டங்களிலும் தமிழக அரசு கவனம் செலுத்தினால், சாதிப் பிரச்னைகளை ஒழித்து, பின்தங்கிய நிலையில் உள்ள தென்மாவட்டங்களை முன்னேறிய மாவட்டங்களாக மாற்ற முடியும்

இப்போது இல்லையென்றால் எப்போதுமில்லை !

Written By DevendraKural on Sunday, 15 February 2015 | 11:44

2195237_ambedkar_periyar

சமூக சமநிலை, பொருளாதார சமநிலை என்று இருக்க வேண்டிய நமது அரசியல், கெடுவாய்ப்பாக வெகுமக்களுக்கும் நடுத்தர மக்களுக்கும் தத்தமது   பொருளாதாரத் தேவைகளை மட்டுமே நோக்கியதாக அமைத்துக் கொள்ளப்படுகிறது, அமைந்துவிடுகிறது. அதிகாரவர்க்கம் இவர்களை அத்தேவைகளை நோக்கிய ஓட்டத்திலிருந்து விலகிவிடாமல் இருக்க அனைத்தையும் செய்துகொண்டே இருக்கிறது. இந்துத்துவமும், பார்ப்பனியமும் எக்காரணங்களுக்காக இம்மண்ணிலிருந்து விரட்டியடிக்கபட்டதோ, அக்காரணங்களும் அச்சமூகப் புரட்சியின் தேவையும் இன்னும் நீடிக்கும் நிலையில், இதோ அதே இந்துத்துவமும், பார்ப்பனியமும் அரசியல் இயக்கமாக, காவியும் காக்கியுமாக பரிவாரங்களுடன் அணிவகுத்து பெரியார் மண்ணைக் கொள்ளை கொள்ள வந்து கொண்டிருக்கிறது. தமிழ்நாட்டு வரலாற்றில் பல நெருக்கடிகளை நாம் கடந்து வந்திருந்தாலும் இப்பொது இந்துத்துவ ஆக்கிரமிப்பு வடிவில் நாம் சந்தித்துக் கொண்டிருப்பது மீண்டு வர இயலாத ஒரு நெருக்கடி. இதிலிருந்து மீள்வது என்பது நமக்கான அரசியலை நாம் மீட்டெடுப்பதாகவே அமையும்.

பலநூறு ஆண்டுகளாய் புரையோடிய, அழுகிய ஆறாப் புண்ணாகிய, இந்துத்துவத்தின் மூலக்கூறுகளான, சாதியையும் அதன் படிநிலைகளையும் காயங்களூடே அறுத்தெறிந்த பெரியாரையும், அம்பேத்கரையும் நினைவில் நிறுத்துவதும்,அவர்களின் அரசியலை முன்னெடுப்பதுமே பாசிச ஆற்றல்களுக்கு எதிரான நமது வெற்றியாக அமையும். இந்தியாவின் விடுதலைக்குப் பின்னான ஐம்பது ஆண்டுகளில் இவர்களிருவரின் அயராத உழைப்பும், ஓயாத போராட்டமும் தான் நம்மை நமதுப் பொருளாதார, சமூக வாழ்வில் வெற்றியடைய வைத்திருக்கிறது. அதன் பலனே வெள்ளையர்களுக்குப் பின் அனைத்து அரச அதிகாரங்களிலும், ஆட்சி அலுவலகங்களிலும் இருந்த பார்ப்பனர்களின்விகிதம் குறைந்து, பிற்படுத்தப்பட்டவர்களும், தாழ்த்தப்பட்டவர்களும், சிறுபான்மையினர்களும் அந்த இடங்களை நிரப்ப முடிந்தது.
இன்று இந்த மூன்றாவது தலைமுறையானது பகட்டான உடையுடன் தகவல் தொழில்நுட்ப அலுவலகங்களுக்குச் செல்வது அப்போரட்டத்தின் எச்சமே. நாம் ஏறி வந்த ஏணியை எட்டி உதைப்பதும், நமது இவ்வெற்றிக்காக தம் வாழ்நாள் முழுவதும்உழைத்த அண்ணலையும், பெரியாரையும் மறப்பதும் ஒன்றே. அடுத்த தலைமுறைக்குக் கடத்தப்படவேண்டிய பெரியார் அரசியலின் தேவை இன்னும் இருப்பதை மறுக்கயியலாது. காரணம் அவரின் சமூகப் புரட்சியை நாம் நமது பொருளாதாரத் தேவைகளை பூர்த்தி செய்து கொள்ளும் ஒரு வாய்ப்பாக மட்டும் தன்னல நோக்குடன் பயன்படுத்திக் கொண்டு தொடர்ந்து நமது சாதிய அடுக்கு நிலைகளைப் பற்றிக்கொண்டும், ஆதிக்கச் சாதியாய் பெருமைப்பட்டுக் கொண்டும் (அமெரிக்கா, ஐரோப்பாவிற்குச் சென்று வந்தாலும் ஆண்ட சாதியாகவும், ஆதிக்கச்சாதியாகவும் தன்னை அடையாளப்படுத்திக் கொள்பவர்களை த.தொ.அலுவலகங்களில் காணமுடியும்) இருப்பது, நாம் இந்த இருவரையும் தோல்வியுறச் செய்கிறோம் என்பதைத் தற்திறனாய்வோடு ஒப்புக்கொள்ளவேண்டும். இத்தோல்வி அவர்களின் கொள்கைக்கானதல்ல, நமது இருப்புக்கானது என்பதைப் புரிந்துகொள்ள வேண்டும். இங்கு “நான் யாருக்கும் அடிமையில்லை, எனக்கு அடிமை யாருமில்லை” என்ற அண்ணலின் வாக்கு நினைவு கூறத்தக்கது. எந்தத் தாழ்த்தப்பட்ட மக்கள் தங்கள் இழிநிலையை மறுக்கக்கோரி மூத்திரப்பையோடு இறுதி மூச்சுவரை பெரியார் போராடினாரோ, அவர்களே இன்று தங்கள் சாதியை மறுப்பதற்குப் பதிலாய் மறைத்துக்கொண்டு, சமூகப் புரட்சியின் பலனாய்த் தமது பொருளாதார நிலையை மேம்படுத்த மட்டும் எதைப் பற்றியும் சிந்திக்க நேரமில்லாமல் ஓடிகொண்டிருக்கின்றார்கள்.
sanskitpolicy
இப்பொழுதும் நாம் தன்ன்ல நோக்கோடு சாதியைத் தூக்கிகொண்டோ, இவர்கள் கொள்கைகளைப் புரிந்துகொள்ளாது மறுத்துவிட்டோ, மறந்துவிட்டோ கடந்து செல்வோமானால் நமது இருப்பு வினாக்குறியாக்கப்படும். குறிப்பாக இடைநிலைச்சாதியான பிற்படுத்தப்பட்ட (பெரும்பான்மை) மக்களிடம் “வளர்ச்சி, வளர்ச்சி” என்றும் “ஊழல், ஊழல்” என்றும் “மாற்று அரசியல்” என்றும் கூவிக்கொண்டு காவிகள் ஊடுருவுவதைக் காணமுடிகிறது. ஊழல் மிகுந்த திராவிட இயக்கங்களுக்கு மாற்று பாசிச இந்துத்துவா அரசியல் அல்ல என்பதை நாம் தெளிவுப்படுத்திக் கொள்ளவேண்டும். பார்ப்பன, இந்துத்துவ நலம்பேணும் பா.ச.க. வெறும் காற்று ஊதப்பட்ட காற்றுப்பையாகப் பெருத்து, வளர்ச்சிக்கான எந்த மாற்றுத்திட்டங்களும் இல்லாது வெறும் இந்து, இந்தி, இந்தியா என்று நமக்கு எதிரானக் கருத்துகளைக் கூறி அவற்றை நமது பேசுபொருளாக்கி, திரைமறைவில் உலக முதலாளிகளின் கைக்கூலிகளாக அவர்களுக்கான அனைத்தையும் செய்துகொண்டிருக்கிறது.
 ஊழல் மிகுந்த காங்கிரசின் மாற்று தாங்கள் தான் என்று சொல்லிக்கொண்டு ஆட்சியைப் பிடித்த பா.ச.க. அரசு, காங்கிரசு ஆட்சியில் தாம் எதிர்த்த, மக்கள் நலனுக்கு எதிரான அனைத்துத் திட்டங்களையும் கடந்த ஆறு திங்களாக திணித்துக் கொண்டிருக்கிறது. வரும் 2016 ஆம் ஆண்டு சட்டமன்றத் தேர்தலைக் கருத்தில் கொண்டு தமிழ்நாட்டில் வளர்ச்சி எனும் மாயையைக் (காவியை) கரியாக நம் கைகளில் திணித்து நம் முகங்களில் பூசிக்கொள்ளத் தூண்டி,பின்னாலிருந்து பல்லிளிக்கிறது.
இரண்டாம் உலகப்போருக்குப் பின்னான பண்பாட்டு வளர்ச்சியில் சிறுபான்மையினருக்கும் ஒடுக்கப்பட்டவர்களுக்கும் சார்பான அரசியல் முன்னெடுக்கப்பட்டது. அதுவே  காங்கிரசு, மற்ற அனைத்து இந்திய கட்சிகளின் கொள்கையாக இருந்தது. தமிழகத்தில் திராவிட இயக்கங்கள் சிறுபான்மையினர் நலத்தை முதன்மையாகக் கொண்டு இயங்கியது (பின்னாளில் வாக்கு அரசியலாக மாறிவிட்டது). நம் குடும்பத்திலோ, நண்பர்களிலோ ஒருவர் உடல்நலம் குன்றியோ, வலிமை குறைந்தவராகவோ இருக்கும் போது அவரது பணிகளை நாம் பகிர்ந்தோ, அவரது வேலைப் பளுவைக் குறைத்தோ நாம் உதவி செய்வோம், இதுதான் இயற்கையான உளநிலை. இப்படித்தான் நாம் சிறுபான்மையினர் நலத்தைப் பண்பாட்டுடன் கையாள்கிறோம். ஆனால் தன்னைத் தூய்மையின் வடிவமாக முன்னிறுத்திக்கொள்கிற இந்துத்துவம், இயற்கைக்கு எதிரானபண்பாடற்ற முறையில் சிறுபான்மையினர் நலத்தைப் புறந்தள்ளுகிறது. இன்று ‘இந்தியா இந்துகளுக்கான நாடு’ என்று பெரும்பான்மைவாத அரசியல் பேசி சிறுபான்மையினர் மீதான வெறுப்பரசியலை வளர்கிறது.
சிங்கள பௌத்தப் பேரினவாதம் எப்படி சிங்களப் பெரும்பான்மை மக்களிடையே தமிழர்கள் மீதான வெறுப்பரசியலை இனவெறியாக வளர்த்தெடுத்து இனவழிப்பை நிகழ்த்தியதோ, அதே வகையான இனவழிப்பை குசராத்தில் இந்த்துத்துவம் செய்ததை நாம் கண்டோம், தமிழகத்திலும் இப்படியான வெறுப்பரசியலின் முன்னோட்டத்தை தர்மபுரியில் கண்டோம். பா.ச.க.வின் மதவாதத்தை ஏற்றுகொண்ட தமிழக சாதியக் கட்சிகள், அதன் ஆளும் அதிகாரத் துணையுடன் எதையும் செய்ய ஆயத்தமாக உள்ளன. அதன் முதல் படிதான் திராவிட அரசியல் காலவதியானது என்பதும், தேவையற்றது என்பதும். இப்படியான இக்கட்டான சூழலில் நாம் பெரியாரை வெறும் கடவுள் மறுப்பாளராகவும்,அம்பேத்கரை வெறும் தலித் தலைவராகவும் முன்னிறுத்தும் கயமைகளை வீழ்த்தி, நமக்கான இவர்களின் போராட்டங்களை நினைவில் நிறுத்தி சிந்தித்தாலொழிய நம்மால் நமக்கான அரசியலையும் சமூக உரிமையையும் வென்றெடுக்க முடியாது.
எப்போதும் இல்லாத வீரியத்துடன் இந்துத்துவமும், பார்ப்பனியமும் தமிழகத்தில் காலூன்ற முயன்று கொண்டிருகிறது என்பதை நாம் உணர்ந்து செயல்படவேண்டும். ஏனென்றால் இப்பொது இல்லையேன்றால், நாம் மீண்டு வர எப்போது வாய்ப்பு கிட்டும் என்று சொல்வதற்கில்லை.
—–தோழர்.கிருபாகரன் – இளந்தமிழகம் இயக்கம்

மருதமலை முருகனும் மருத மரமும்..

Written By DevendraKural on Thursday, 1 January 2015 | 14:44





                 ஞ்ச பூதக் கலவை யின் மொத்த உருவமே மனிதன். மனிதனை பஞ்ச பூதங்களின் பரிணாமம் என்றுகூட சொல்லலாம். பஞ்ச பூதங்களின் சேர்க்கை யினால் உண்டாகும் இந்த உடம்பு, பல்வேறு எண்ணக் குவியல்களைக் கொண்டு, அதாவது- ஆட்டம், பாட்டம், கொண்டாட்டம், சோகம், பாராட்டு, இன்பம், துன்பம், தூக்கம், பசி, காதல், கல்யாணம், முறிவு, நட்பு, பகை, பயம், சந்தோஷம் போன்ற பல்வேறு குணாம்சங்க ளைக் கொண்டு மானுட வாழ்வு சுழன்று கொண்டிருக்கிறது.

நாம் எடுக்கும் பிறவிப் பலாபலன்களுக்கேற்ப நாம் வாழ்வோம். மரணிப்போம். மறுபடியும் பிறப்போம். இந்த பஞ்சபூதச் சக்கரம் ஓய்வின்றி சுழன்று கொண்டேதான் இருக்கும்.

பிறவியெடுத்த மானுடரின் கோபம், அகங்காரம், கர்வம் போன்ற தேவையற்ற குணங்களை இறைவன் விரும்புவதில்லை. இத்தகைய முரண்பட்ட விளைவுகளால்தான் நமது கர்மா தொடருகிறது. நமது மறுஜென் மமும் தொடர்ந்து கொண்டிருக்கிறது.

மகாபாரதப் போரில் பகவான் கிருஷ்ணரின் பேருதவியினாலேயே பாண்டவர்களுக்கு வெற்றி கிடைத்தது. மாவீரன் அர்ஜுனனுக்கு கிருஷ்ண பரமாத்மாவே வந்து தேரோட்டி வழி நடத்தி வெற்றிக்கு வித்திட்டார். ஆனால் போருக்குப்பின் அர்ஜுனன் மனம் சாதாரணமாகச் செயல்படத் தொடங்கி விட்டது.

போர் முடிந்ததும், தேரோட்டியான கிருஷ்ண பகவான் தன் கரங்களைப் பிடித்துத் தன்னைக் கீழே இறக்க வேண்டும் என்று அர்ஜுனன் கர்வம் கொண்டிருந்தான். ஆனால் கிருஷ்ணரின் கட்டளையோ வேறாக இருந்தது.

""போர் முடிந்து விட்டது. இனி என்ன தயக்கம்? அர்ஜுனா! தேரை விட்டு கீழே இறங்கு'' என்று கிருஷ்ணர் கட்டளையிட்டார்.

வெற்றிபெற்ற தன்னை தனக்குத் தேரோட் டிய கிருஷ்ண பரமாத்மாவே கைகளைப் பற்றிக் கீழே இறக்க வேண்டும் என்ற அர்ஜுனனின் கர்வத்தை அறிந்த இறைவன்,""அர்ஜுனா! உன் கர்வத்தை விலக்கு. நான் இட்ட கட்டளையை உடனடியாகச் செய்'' என்று அழுத்திச் சொல்ல, அர்ஜுனனும் கீழிறங்க, அடுத்த நொடியே தேர் தீப்பிடித்து எரிந்தது. இதைக் கண்ட அர்ஜுனன் திகைத்து நின்றான்.

கிருஷ்ணன் புன்முறுவல் பூத்துச் சொல் கிறார்: ""அர்ஜுனா! பயம் வேண்டாம். வேண்டாத கர்வத்தை விட்டுவிடு. நான் உன்னைக் கீழே இறக்கிவிட வேண்டும் என்று நீ எண்ணினாய். வெற்றி வரும்பொழுதுதான் மனிதனுக்குப் பணிவு அவசியம் என்பதை முதலில் உணர்ந்து கொள். பிதாமகர் பீஷ்மர், துரோணாச்சாரியர், துரியோதனன் போன்றோர் இட்ட அம்புக் கணைகள் நம் தேரில் குத்திட்டு நிற்கின்றன. அந்த அம்புகள் அனைத்தும் மந்திர சக்திகள் நிறைந்தவை. நான் தேரை விட்டு இறங்கியவுடன் கொடியில் இருக்கும் அனுமனும் போய்விடுவான். அப்பொழுது மந்திர சக்திகள் செயல்படத் தொடங்கிவிடும். பின் உன் கதி அதோகதிதான். அதனால்தான் உடனே தேரை விட்டு இறங்கச் சொன்னேன்.''

கிருஷ்ணரின் விளக்கத்தைக் கேட்ட அர்ஜுனன் அவர் பாதங்களில் விழுந்து மன்னிப்புக் கேட்டான். கர்வம் கொள்பவனே மனிதன். நமது எண்ணங்களும், நமது எண்ணங்களை ஒட்டி உண்டாகும் கோப- தாபங்களும், கர்வம், அகங்காரம் போன்றவையே நமக்கு உண்டாகும் நோய்களுக்குக் காரணமாகும்.

நோய்களே மரணத்திற்குக் காரணமாகும். மரணமே பிறவிக்குக் காரணமாகும். இது சுழன்று கொண்டேதான் இருக்கும். மானுடனை வழிநடத்தும் மகத்தான சக்தியாகிய இறைவன், மரங்களிலும் செடி, கொடி, புல், பூண்டுகளிலும் உறைந்திருந்து, நமது நோய்களை நீக்கிக் கொண்டிருக்கிறார். அந்த வகையில் மருத மரத்தில் குடிகொண்டிருக்கும் இறைவன் அருளால் என்னென்ன நோய்களிலிருந்து மீளலாம் என்பதை இனி காண்போம்.

மானுட உடம்பில் உண்டாகும் ஒட்டுமொத்த நோய்களையும் களையும் வல்லமை பெற்றது மருத மரமேயாகும். வாத, பித்த, கப நோய்களை முற்றிலும் நீக்கி, ஆரோக்கியத்துடன் கூடிய ஒரு மேம்பட்ட வாழ்க்கையை நமக்கு மருத மரம் வழங்கி வருகிறது.

ரத்தக் கொதிப்பு நீங்க...

ரத்த அழுத்தமே (இல்) இரத்தக் கொதிப்பு எனப் படுகிறது. ஒருமுறை ரத்த அழுத்த நோய்க்கு ஆட்பட்டுவிட்டால், வாழ்நாள் முழுக்க இந்நோய் நம்முள் இருந்துகொண்டேதான் இருக்கும். ரத்த அழுத்தத்தை ஒரே சீராய் வைத்துக் கொள்ள மருத மரம் நமக்கு வழிகாட்டுகிறது.

மருதமரப் பட்டை 200 கிராம், சீரகம் 100 கிராம், சோம்பு 100 கிராம், மஞ்சள் 100 கிராம் இவற்றை ஒன்றாகத் தூள் செய்து பத்திரப் படுத்தவும். இதில் ஐந்து கிராம் அளவில் எடுத்து, இரண்டு டம்ளர் நீரில் போட்டு கொதிக்க வைத்து, பாதியாகச் சுண்டச் செய்யவும். இதை காலை, மாலை இருவேளையும் சாப்பிட்டுவர, ரத்த அழுத் தம் இருந்த சுவடே இல்லாமல் மறையும்.

மன உளைச்சல், தூக்கமின்மை விலக...

மருதமரப் பட்டை, வில்வம், துளசி ஆகிய வற்றை வகைக்கு 100 கிராம் எடுத்து அரைத்துத் தூள் செய்து கொள்ளவும். இதில் ஐந்து கிராம் அளவு காலை, இரவு என இருவேளையும் உணவுக்குப்பின் சாப்பிட்டுவர, மன உளைச்சல், படபடப்பு, தேவையில்லாத பயம், ஆவேசம், தூக்கமின்மை போன்ற குறைபாடுகள் தானே மறையும்.

சர்க்கரை நோய் குணமாக...

மருதமரப் பட்டை, ஆவாரம்பட்டை வகைக்கு 200 கிராம். சுக்கு, ஏலக்காய் வகைக்கு 20 கிராம் இவற்றை ஒன்றாகத் தூள் செய்து பத்திரப் படுத்தவும். இதில் ஐந்து கிராம் அளவு எடுத்து, இரண்டு டம்ளர் தண்ணீரிலிட்டு கசாயமிட்டு காலை, இரவு என இருவேளையும் காபிக்குப் பதிலாகச் சாப்பிட்டுவர, சர்க்கரை நோய் குணமாகும்.

சர்க்கரை நோய் குணமாக மற்றொரு மருந்து கூறுகிறேன்.

மருதமரப் பட்டை, ஆலம்பட்டை, அரசம் பட்டை, கருவேலம் பட்டை, ஆவாரம் பட்டை, பருத்திக் கொட்டை, கடல் அழிஞ்சில், நாவல் பட்டை, நாவல் கொட்டை, கருஞ்சீரகம் ஆகிய வற்றை வகைக்கு 100 கிராம் வாங்கி, ஒன்றாகக் கலந்து தூள் செய்து கொள்ளவும். இதில் ஐந்து கிராம் அளவு காலை, இரவு என இருவேளையும் உணவுக்கு முன்பாகச் சாப்பிட்டுவர, சர்க்கரை நோய் வெகுவாகக் கட்டுப்படும். சர்க்கரை நோயினால் உண்டாகும் உடல் பலவீனம், அதிக தாகம், அதிமூத்திரம் போன்ற கோளாறுகளும் உடனே தீரும்.

இதயநோய் குணமாக...

இதய நோய்களை மிக எளிதில் குணமாக்கும் வல்லமை மருத மரத்திற்கு உண்டு. இதய நோய்களுக்கு உண்டு வரும் நவீன மருந்துகளுடன், மருதம் சார்ந்த மருந்துகளைச் சாப்பிட்டு வரலாம். மருத மரம் வீரியமான ரசாயனமல்ல என்பதை உணர்ந்து கொண்டீர்களானால் கண்டிப்பாகச் சாப்பிடத் தயங்கமாட்டீர்கள்.

மருதம்பட்டை, தாமரைப்பூ வகைக்கு 200 கிராம். ஏலக்காய், சுக்கு, மிளகு, திப்பிலி, இலவங்கப் பட்டை வகைக்கு 20 கிராம். இவற்றையெல்லாம் ஒன்றாகக் கலந்து தூள் செய்து கொள்ளவும். இதில் ஐந்து கிராம் அளவு காலை, இரவு என இருவேளையும் உணவுக்குப்பின் சாப்பிட்டுவர, இதய பலவீனம், இதயத்தில் உண்டாகும் வலி, இதய வீக்கம், இதயக் குழாய் களில் உண்டாகும் அடைப்பு போன்றவை அதிசயமாய் நீங்கும்.

மேற்சொன்ன மருந்தையே கசாயமிட்டும் சாப்பிட்டு வரலாம். கடைகளில் கிடைக்கும் மருத மரம் சார்ந்த மருந்துகளையும் வாங்கி உபயோகிக்கலாம். நம் பண்டைய ஆயுர்வேத முறைப்படி தயாரிக்கப்படும் "அர்ஜுனா அரிஸ்டம்' என்ற திரவ மருந்து மருந்துக் கடைகளில் தாராளமாய்க் கிடைக்கிறது. இதில் 20 மி.லி. அளவு காலை, இரவு என இருவேளையும் சாப்பிட்டு வர, இதய நோய்கள், ரத்தம் சார்ந்த நோய்கள் உடனே தீரும்.

ரத்த மூலம் தீர...

மருத மர இலையை ஐந்து எண்ணிக்கையில் எடுத்து அரைத்து, கட்டித் தயிரில் கலக்கிச் சாப்பிட்டுவர, மூன்று தினங்களில் ரத்தப் போக்கு நிற்கும்.

மாதவிலக்கை முறைப்படுத்த... 

மருத மர இலையைக் காயவைத்துத் தூள் செய்து, தினசரி ஐந்து கிராம் அளவில் இருவேளை யும் சாப்பிட்டுவர, பெண்களுக்கு உண்டாகும் மாதாந்திர சுழற்சி முறையாகும்.

மாதவிலக்கில் உண்டாகும் வயிற்றுவலி தீர...

மருதம்பட்டை, வேப்பம்பட்டை வகைக்கு 100 கிராம், பெருங்காயம் 10 கிராம் சேர்த்துத் தூள் செய்து வைத்துக் கொண்டு, காலை, இரவு என இருவேளையும் ஒரு டம்ளர் மோருடன் சாப்பிட்டுவர, மாதவிலக்கின்போது உண்டாகும் வயிற்றுவலி முற்றிலுமாய் குணமாகும்.

மேலும் மருத மரத்தினால் வெள்ளைப்படுதல், உஷ்ண நோய்கள், பித்த நோய்கள், சரும நோய் கள், பற்களைச் சார்ந்த நோய்கள் அனைத்தும் தீரும்.

மருதமலை முருகனும் மருத மரமும்...

மருதமலை முருகனின் அம்சம் மற்றும் பேரருள் பெற்ற மூலிகையே மருத மரமாகும். மருத மலையில் எழுந்தருளியிருக்கும் முருகப் பெருமானை ஒருமுறையேனும் தரிசித்து வாருங்கள். குன்றுகள் தோறும் குமரன் இருக்கும் இடம்தான் என்றாலும், மருத மரத்தை தல விருட்சமாய்க் கொண்டுள்ள மருதமலை முருகனை மண்டியிட்டு வேண்டி வாருங்கள். எம்பெருமான் முருகப் பெருமான் உங்கள் சகல கஷ்டங்களையும் கவலைகளையும் தீர்த்து, முப்பிணியை நீக்கி எப்பிணியும் வராமல் இப்பிறவி முழுவதும் காப்பான். வாழ்க வளமுடன்!

எது ஆதிக்கம்?

Written By DevendraKural on Sunday, 23 November 2014 | 08:42

எது ஆதிக்கம்?

ஆதிக்கம் என்பது சர்வாதிகாரத்துடன்  அடுத்தவனை சண்டையிட்டு வீழ்த்தி பலத்தை உணர்த்துவது அல்ல என்பதை உணருங்கள் என் அன்பு சொந்தங்களே அது இன்றைய இந்திய தேசத்தில் சாத்தியமும் இல்லை.

ஆதிக்கம் என்பது பொருளாதரத்தில் முன்னேற்றம்கண்டு, அரசியல் அதிகாரத்துடன் சட்டத்தை தங்களின் கட்டுப்பாட்டில் நமக்கு சாதகமாக மாற்றுவது தான் ஆதிக்கம்.

தேவேந்திரர்களின் நோக்கம் ஒன்றாக இருக்கட்டும் அது அரசியல் அதிகாரத்தை வேன்றெடுப்பதாய் இருக்கட்டும் அரசியல் அதிகாரம் ஒன்று தான் ஜனநாயக நாட்டில் நாம் சந்திக்கும் அணைத்து பிரச்சனைகளுக்கும் தீர்வை பெற்று தரும் என்பதை உணருங்கள் சொந்தங்களே...

சாதி அரசியல் செய்வது சாணக்கியத்தனம் அல்ல எம் சாதியின் பலத்தை பின்வைத்து ஆளும் அணைத்து கட்சிகளிலும் தவிர்க்க முடியாத சக்திகளாய் நாம் மாறுவது தான் புத்திசாலித்தனம் ஆதலால் இன்றே இணையுங்கள் நீங்கள் விரும்பும் ஆளும் அல்லது ஆண்ட கட்சிகளில்.

சாதி அரசியல் செய்து எம் சமூகத்தின் பிரதிநிதியாய் சட்டமன்றத்திற்கோ, பாரளுமன்றத்திற்கோ எம் சாதி தலைவர்கள் செல்லட்டும், தலைவர்களாய் முன்னிற்கும் அவர்களால் மட்டும் தான் சாதி அரசியலில் MLA வாகவோ MP யாகவோ ஆக முடியும். ஆம் தலைவர்களாலும், கட்சிகளாலும் சிதைவுண்டு கிடக்கும் எம் சமூகத்தில் பல MLA, MP க்களை உருவாக்கும் நிலையில் எம் தலைவர்களும்  இல்லை அவர்களது கட்சியும் பலமாக இல்லை அரசியல் அரங்கில் அவர்களுக்கு கிடைப்பதே அவர்கள் நிற்பதற்கான ஒரு சீட் தான் அதில் எங்கு அடுத்தவர்களுக்கு வாய்ப்பு கிடைக்கும் என்பதை உணருங்கள்.

ஆதலால் தேவேந்திரர்கலாகிய நம் சமூகம் ஆதிக்க சக்தியாய் மாற ஆளும் கட்சிகளின் அங்கத்தினர்களாக தவிர்க்க முடியாத சக்திகளாய் மாறி எம் சாதி பலத்தை பின் வைத்து உங்கள் பகுதியில் நீங்கள் சார்ந்த கட்சியின் அடையாளமாக மாறுங்கள், நீங்கள் இல்லை என்றால் நீங்கள் சார்ந்த கட்சி தோற்கும் என்கிற நிலையை உருவாக்குங்கள் அது தான் ஆதிக்கம்.

அரசியல் அதிகாரத்தை கைப்பற்றுவதில் தான் அடங்கி இருக்கிறது எமது சமூக மக்களின் இன்னல் தீர்க்கும் மூல மந்திரம், ஆதலால் என்ன விலை கொடுத்தேனும் அரசியல் அதிகாரத்தை கைப்பற்றி அதிகார வர்க்கமாய் மாறுவது மக்களாகிய நம் கையில் தான் உள்ளது.

களம் ஒன்றுதான் ஆட்டத்தின் போக்கை மட்டும் மாற்றினால் அரசியல் அரங்கிலும் வெற்றி நிச்சயமாக தேவேந்திரர் வசம் தான்.

குறிப்பு:- 

கட்சி சார்பற்ற சமூக உணர்வுள்ள சிந்தனையாளர்கள்  இணைந்து உங்கள் பகுதியில் அரசியல் களத்தில் நிற்கும் எம் சமூக சொந்தங்களுக்கு அரசியல் பயிற்சி வழங்கினால் சிறப்பாக இருக்கும். அரசியல் ஞானம் அதிகம் உள்ளவவர் முன்னெடுங்கள் என்றே வேண்டுகிறேன். 

- லாந்தை .ரா.பிரபு 

தேவேந்திர குல வேளாளர் சமூகத்தை தாழ்த்தபட்டோர் இனத்தில் இருந்து வெளியேற விடாமல் தடுப்பது ஏன் ??

Written By DevendraKural on Sunday, 16 November 2014 | 05:35

தேவேந்திர குல வேளாளர் சமூகத்தை தாழ்த்தபட்டோர் இனத்தில் இருந்து வெளியேற விடாமல் தலித்துகள் தடுக்கும் நோக்கம் என்ன?
சேர சோழ பாண்டியர்களாக வேந்தர்களாக இந்நாடாண்ட தேவேந்திர குல வேளாளர் சமூகத்தவர் வீழ்த்தப்பட்டு உடைமைகள் பிடுங்கப்பட்டு தாழ்த்தப்ட்டோராக பட்டியல் இனத்தில் திணிக்கபட்டிருக்கின்றனர் என்பதே நிதர்சனமான உண்மை.
இதற்கு எண்ணற்ற ஆதரங்கள் உண்டு என்பது உலகுக்கே தெரியும். மேலும் தேவேந்திரர்கள் வேந்தர் மரபினர் இல்லை என்று நிரூபிப்பவர்களுக்கு 10லட்சம் பரிசுத்தொகை அறிவித்தும் பார்த்தாச்சு ஒரு பயலுக்கும் திராணி இல்லை தேவேந்திரர்களை ஆண்ட சமூகம் இல்லை என்று உறுதிபடுத்த இப்படி இருக்கிறது தேவேந்திர குல வேளாளர் சமூகத்தின் வரலாறு.
ஆண்ட சமூகம் வீழ்த்தப்பட்டு பட்டியல் இனத்தில் திணிக்கப்பட்ட தனது சொந்த சமூக வரலாற்றை மீள்பரிசோதனை செய்து தாங்கள் யார் என்பதை உணர்ந்த தேவேந்திர குல வேளாளர் சமூக மக்கள் தாங்கள் தாழ்த்தப்பட்டவர்கள் அல்ல மரபு வழி போரில் வீழ்த்தபட்டவர்கள் என கூறி தாங்கள் தான் இந்து சாதி அமைப்பில் உயர்வானர்கள் என்றும் ஆதலால் மெய்பிக்கபட்ட எங்கள் சமூகத்தின் வரலாற்றை ஏற்று தேவேந்திர குல வேளாளர் சமூகத்தை பட்டியல் இனத்தில் இருந்து நீக்கி பிற்படுத்தபட்டோர் பட்டியலுக்கோ அல்லது தனி நலவாரியமோ அமைத்து எங்கள் சமூகத்தின் தனித்துவத்தை பறைசாற்றி அங்கீகரிக்குமாறு ஆளும் அரசுகளிடம் பன்னெடும் காலமாக வேண்டுகோள் விடுத்துக்கொண்டிருக்கின்றன்ர் எம் சமூக மக்கள். அரசும் இதை பற்றி விரிவான அறிக்கை சமர்பிக்க குழுவை அமைத்துள்ளது.
தேவேந்திர குல வேளாளர் சமூக மக்களின் கோரிக்கை மேற்கண்டவாறு தலித் என்கிற சொல் எம் சமூகத்திக்கு ஒவ்வாத ஒன்று என்பதாகவே இருகிறது பிறகெதற்கு தமிழகத்தில் உள்ள அனைத்து தலித் சாதிகளும் தேவேந்திரர்களும் தலித்துகள் தான் நாங்கள் அனைவரும் ஒரு குட்டையில் ஊறிய மட்டைகள் என்று தேவேந்திரர்களை தலித்திய வட்டத்திற்குள் அடைக்க முனைகின்றனவே ஏன்?
கீழ உள்ள விளக்கத்தை தெளிவாக் படியுங்கள் தலித்துகளான பறையர் சக்கிலியர்களின் நோக்கம் உங்களுக்கு புரியும்.
தாழ்த்தப்பட்டோர் பட்டியலில் திணிக்கப்பட்டு இருந்தாலும் ஒருகாலும் தேவேந்திரர்கள் தங்களை ஒரு தாழ்வுமனப்பான்மை கொண்ட தலித் சாதியாய் ஹரிஜனாய் அடிமையாய் எண்ணியது இல்லை ஆம் சலுகைகள் கேட்கும் சமூகமாய் இராதே இது எமது உரிமை என கேள் என தன் சமூக மக்களுக்கு உணர்த்தி தாம் ஒரு ஆண்ட மரபினர் என்கிற ஆதிக்க செறுக்குடனே அதிகார வர்க்கத்திற்கு எதிராக களமாடி தனது சமூகதின் தேவையை மட்டுமின்றி தான் அங்கம் வகிக்கும் பட்டியல் இன தலித் சாதிகளான பறையன், சக்கிலியன் போன்ற பிறறது உயர்வுக்கும் சேர்த்தே தான் போராடி வந்துள்ளனர்.
போராளிகள் என்றும் தன் குடும்பத்தை பார்ப்பதில்லை பொதுவான எண்ணம் கொண்டவனாகவே இருப்பான் என்கிற கூற்றுப்படி போராட்ட களத்தில் பல உயிர்களை பலிகொடுத்து போராடி பொருளாதரத்தில் விளிம்பு நிலையில் இருந்த தலித்துகளுக்கான உரிமையை பெற்றுகொடுத்தது தேவேந்திர குல வேளாளர் சமூகம் ஆனால் அந்த உரிமைகளை அடிமைகளாய் அரசின் சலுகைகளாக்கி பெரும்பான்மையாக அனுபவித்தது தலித்துகலான பறையன் சக்கிலியனோடு சேர்த்து பிறரும் தான் இதில் வெகு சில தேவேந்திரர்களும் பயனடைந்தனர் என்பது மறுப்பதற்கியலா உண்மை.
இங்கே ஏன் தேவேந்திரர்கள் அரசின் சலுகைகளை எதிர்நோக்கவில்லை என்றால் அரசுடமை சமூகமாய் நிலசுவாந்தாரர்களாய் இருந்த தேவேந்திர குல வேளாளர் சமூகம் மரபு வழி போரில் வீழ்தபட்ட பின்னும் பெரும்பான்மையாக ஆற்றுபடுகைகளில் வாழ்ந்து நெல் நாகரீகத்தைதையும் குடும்ப முறையையும் உலகுக்கு அறிமுகபடுத்திய தேவேந்திரர்கள் தங்களின் குல தொழிலான விவசாயத்தை விடவில்லை கை, காது, மூக்கில் எஞ்சி இருந்த குண்டுமணி அளவு தங்கத்தை விற்று காச்சால் நிலம் வாங்கி உழவை மேற்கொண்டு பெரும்பான்மையான தேவேந்திரர்கள் பிறரை சார்ந்து வாழாமல் தங்களது தேவையை தாங்களே பூர்த்தி செய்து முன்னேற்றத்திற்கான வழிவகை செய்து கொண்டனர், இதன் பிரதிபலன் தான் தென்னகத்தின் நிலஉடமை சாதியாக இன்று தேவேந்திரர்கள் விளங்குகின்றனர்.
இவ்வாறு இதுநாள் வரை சாருன்னிகளாய் தேவேந்திரர்களை சார்ந்திருந்த தலித்துகள் தேவேந்திரர்களை களமாடவிட்டு அதன் பயனான கனியை மட்டும் ருசித்துகொண்டிருந்தனர்.ஆதலால் தேவேந்திரர்கள் பட்டியல் இனத்தில் இருக்கும் வரை தான் நோகாமல் நொங்கு தின்று கொண்டு விதைக்காமல் விளைச்சலை மட்டும் அறுவடை செய்ய முடியும் என்பதற்காவே தலித்துகளாகிய பறையனும் சக்கிலியனும் இன்னும் பிறரும் திட்டமிட்டு தேவேந்திரர்களும் நாங்களும் ஒன்னு தான் எந்த வேற்றுமையும் இல்லை என்று பரப்புரை செய்கின்றனர் இதற்கு சுயநலவாதிகளான சமூக முன்னேற்றத்தை விட தன் முன்னேற்றமே முக்கியம் என கருதும் சில தேவேந்திர குல தலைவர்களும் தேவேந்திர குல மக்களின் எண்ணத்திற்கும் எதிர்பார்பிற்கும் எதிராக தலித்துகளுடன் துணைபோகின்றனர்.
மேலும் தேவேந்திரர்கள் பட்டியல் இனத்தில் இருக்கும் வரை தான் தலித் என்கிற சொல்லிற்கு தமிழகத்தில் பயம் கலந்த மரியாதை இருக்கும் என்பதை தெளிவாக உணர்ந்த பறையர்கள் அரசியல் ஆதாயம் கருதி தேவேந்திரர்களை தலித் என்கிற வட்டத்தை விட்டு வெளியேற விட கூடாது என்பதில் கண்ணும் கருத்துமாக வெகு சாதுர்யமாக செயல்பட்டுக்கொண்டிருகின்றனர்.
ஒருவேளை தேவேந்திரர்கள் தலித் என்கிற வட்டத்தை விட்டு வெளியேறிவிட்டால் தலித் என்று எவனும் எங்கும் தமிழகத்தில் பேசமுடியாது என்பதை உணர்ந்த பிற தலித்துகள் தற்போது தேவேந்திரர்களும் தலித்துகள் தான் ஹரிஜன் தான் என்று உணர்த்தும் செயலில் கடுமையாக உழைக்கின்றனர் என்பதே நிதர்சனம்.
தலித்துகளே ஏனைய பிற சமூகத்தவர்களே தேவேந்திரர்கள் தலித் என்கிற வரையறைக்கு சிறிதும் ஒவ்வாதவர்கள் என்பதற்கு கீழ்கான்பதை விடவா சான்று தேவை..
இந்து முறைப்படி முதலில் யாரெல்லாம் தலித் என்று பாப்போம்...
1: மாட்டு இறைச்சி உண்பவர்கள்
2: தீண்டத்தகாதவர்களாக ஆலைய நுழைவு உரிமை அற்றவர்கள்
3: பசுவை தெய்வமாக வணங்காதவர்கள்
4. பிராமணர்களுடன் தொடர்பு அற்றவர்கள்
5. வறுமையில் உழன்றுகொண்டு SC பட்டியலில் இருப்பவர்கள்
6.இறந்தவர்களை புதைப்பதை தொழிலாக கொண்டவர்கள்
மேற்கண்ட தலித்துகள் என்ற அந்த வரையறைகளுக்கு எவ்வாறு பொருந்தாதவர்கள் தேவேந்திரர்கள் என்கிற வினாவிற்கான பதிலை கீழே பார்ப்போம்:
1. விவசாயத்தை குலதொழிலாக கொண்டு மாடுகளை உழவு எந்திரமாக பயன்படுத்தும் தேவேந்திரர்கள் ஒரு போதும் மாட்டிறைச்சியை உண்பதில்லை
2. தமிழகத்தில் அதி முக்கிய கோவில்களின் முக்கியஸ்தர்களே தேவேந்திரர்கள் தான். ஆலைய நுழைவு போராட்டம் நடத்தப்பட்டது பறையர், சானார், சக்கிலியர் போன்ற இன்னும் சில மக்களுக்காக. தேவேந்திரர்களுகாக அல்ல
3. தேவேந்திரர்கள் பசுவை தெய்வமாக வணங்குபவர்கள்
4. பூமி பூஜை முதல் திதி வரையுள்ள அனைத்து தேவேந்திரர்களின் சுப/கெட்ட நிகழ்வுகளிலும் பிராமணர்களை தேவேந்திரர்களின் வீடுகளிலும் பூஜைகளிலும் பார்க்கலாம்
5. இன்றைய தேவேந்திரர்களின் பொருளாதார நிலை பல சாதி இந்துக்களின் நிலையைவிட பன்மடங்கு உயர்நிளையிலையே இருக்கிறது அது போக தேவேந்திரர்களின் உட்பிரிவுகளான மூப்பர் (BC 65) , காலாடி (BC 35) (DNC 28), பண்ணாடி (MBC 16) இல் இருக்கிறார்கள எனவே பட்டியல் இனத்தில் இருபதனால் மட்டுமே தேவேந்திரர்கள் தலித்துகள் என்றால் எம்மின் உட்பிரிவுகள் எல்லா பிரிவுகளிலும் இருக்கும் போதே தெரியவில்லையா தேவேந்திரர்கள் தலித்துகள் அல்ல என்று???
6. தேவேந்திரர்களின் குல தொழில் விவசாயம் தேவேந்திரர்களை புதைப்பதற்கே பல ஊர்களில் மற்ற சாதியினரை தான் பயன்படுத்துகின்றனர்.
எனவே தலித் என்ற வரையறைக்குள் சிறிதும் பொருந்தாத தேவேந்திரர்களை “தலித்” என்று வழங்குவதன் நோக்கம் என்ன?
மனித இனம் அடிக்கடி தன்னைப் பரிசோதனை செய்து பார்த்துக் கொள்கிறது என்று சரித்திரம் நமக்கு பல முறை பல சமூகங்கள் மூலம் நிரூபித்துக் காட்டி இருக்கிறது. அதே போல் தான் தேவேந்திரகுல வேளாளர் சமூகத்திற்கும் இன்று தம்மை யார் என்று சுய பரிசோதனை செய்ய வேண்டிய நேரம் இது எமது வரலாறுகள் சான்றுகளுடன் உங்களின் காலடியில் அதை எடுத்து ஆளும் அரசுகளிடம் சமர்பித்து தலித் என்ற இழிசொல்லை எம் சமூகத்திற்கு ஒவ்வாத ஒன்றாக மாற்றுவது தேவேந்திரனாகிய எம் ஒவ்வொருவரின் கடமை.
நான் தலித் அல்ல இந்நாடாண்ட சேர சோழ பாண்டிய வழிவந்த வீர தேவேந்திர குலத்தவன்.
அப்போ நீங்கள் யார்?
யாருக்கும் அஞ்சோம்!
எதற்கும் அஞ்சோம்!
எங்கும் அஞ்சோம்!
எப்போதும் அஞ்சோம்!

....லாந்தை.ரா.பிரபு

சேகுவாரா கொலை செய்யப்பட்ட புகைப்படம் 47 வருடங்களின் பின் வெளியீடு

உலகம் முழுவதும் புரட்சிகர சக்திகளுக்கு உந்துதலாகத் திகழும் சேகுவாரா கியூப இராணுவத்தால் கொலை செய்யப்பட்ட பிறகு எடுக்கப்பட்ட புகைப்படங்கள் தற்போது வெளியாகியுள்ளன.
கியூபாவில் ஃபிடல் காஸ்ட்ரோவுடன் இணைந்து புரட்சியில் ஈடுபட்ட சேகுவாரா ஆட்சி மாற்றத்திற்கு வித்திட்டார்.
இந்நிலையில் கடந்த 1967ஆம் ஆண்டு கியூப இராணுவத்தால் சேகுவாரா சுட்டுக் கொல்லப்பட்டார்.
அதன்பிறகு, அவரது உடல் இரகசிய இடத்தில் புதைக்கப்பட்டது. அப்போது புகைப்பட கலைஞர் ஒருவரால் எடுக்கப்பட்ட புகைப்படங்கள், பொலிவியாவில் மத போதகர் லூயிஸ் கார்டேரா என்பவரிடம் இருந்தன.
2012ஆம் ஆண்டில் அந்த மத போதகர் இறந்த போது, அவரது உடைமைகளை உறவினர்கள் சோதனையிட்டதில், சேகுவாராவின் புகைப்படங்கள் இருந்தது தெரிய வந்தது.
இதையடுத்து அந்த புகைப்படங்களை, அவரது உறவினரும் ஸ்பெயின் நாட்டைச் சேர்ந்தவருமான இமானுல் ஆர்டியா என்பவர் தனது நாட்டுக்கு எடுத்து வந்தார். தற்போது அந்தப் புகைப்படங்களை அவர் வெளியிட்டுள்ளார்.
அந்த புகைப்படங்களில், ஒரு படத்தில் சுட்டுக் கொல்லப்பட்ட பிறகும், கம்பீரத்துடன் சேகுவாராவின் முகம் இருப்பது போன்றும், மற்றொரு படத்தில் சேகுவாராவின் உடல் துப்பாக்கிக் குண்டுகள் பாய்ந்திருப்பதும் இருக்கின்றன.
சேகுவாரா கொல்லப்பட்ட பிறகு, ஏ.எஃப்.பி செய்தி நிறுவனத்தின் புகைப்படக் கலைஞர் மார்க் ஹட்டனால் எடுக்கப்பட்ட புகைப்படமே சர்வதேச பத்திரிகைகளில் வெளியாகின.
அதுதவிர, வேறு எந்தப் படமும் வெளியாகவில்லை. எனவே இந்த புகைப்படங்களை மதபோதகர் கார்டேராவிடம் மார்க் ஹட்டனே கொடுத்திருக்கலாம் என இமானுல் தெரிவித்துள்ளார்.

தேவேந்திரர்களே…

Written By DevendraKural on Sunday, 12 October 2014 | 09:01

நன்றாக சிந்தித்து பாருங்கள் தேவேந்திரர்களே…
கீழவெண்மணி, உஞ்சனை, தாமிரபரணி, பரமக்குடி போன்று எத்தனையோ இழப்புகளை நாம் சந்த்தித்து விட்டோம் ஆனால் எம்மால் சமூக மாற்றத்தையும் அரசியல் அதிகார பகிர்வையும் பெறமுடியவில்லையே ஏன்? அரசுகளும் எமது கோரிக்கைகளுக்கு செவி சாய்க்கவில்லை. அப்படியானால் எமது போராட்ட முறையில் எதோ தவறு இருக்கிறது என்று தானே அர்த்தம்.
ஆம் எம் சமூக எழுச்சிக்காகவும் சமூக மாற்றத்திற்காக தங்களின் உயிர்களை தியாகம் செய்த தியாகிகளை போற்றும் நாம் அவர்களின் தியாகத்திற்கு கைமாறாக ஏதாவது ஒரு குறிக்கோளை லட்சியத்தை நோக்கி போராடியதுண்டா? பாதிக்கப்படும் போது காக்கைகளை போல் கூடி ஆளும் அரசுகளை நோக்கி ஒழிக கோசமிடுவதோடும், இளம் ரத்த துடிப்பில் பேருந்துகளின் கண்ணாடிகளை உடைப்பதோடும் முற்றுபெற்று விடுகிறது எமது போராட்டங்கள். இது போக தலைவர்களின் ஆதரவாளர்கள் என்கிற ஒற்றை சொல்லில் சிதைந்து விடுகிறது எம் சமூகத்திற்கான அத்துனை போராட்டங்களும்.''
 
Support : தேசம்
Copyright © 2013. தேவேந்திரக்குரல் - All Rights Reserved
DESAM
powered by தேசம்